Нүүр хуудасМэдээХүний эрхийг зөрчсөн үйлдэлдээ уучлал хүслээ

Хүний эрхийг зөрчсөн үйлдэлдээ уучлал хүслээ

Завхан аймгийн Тэлмэн сумын Ерөнхий боловсролын сургуулийн дотуур байрны багш Ц-ээс энэ сарын 19-ний өдрийн 13:51 цагт “Дотуур байранд согтуу хүн орж ирээд хүүхдээ хөдөө гэр рүүгээ авч явна гээд хэрүүл, маргаан үүсгээд байна” гэх дуудлага, мэдээлэл цагдаагийн байгууллагад ирүүлсэн.

Дуудлагын дагуу тус сумын хэсгийн төлөөлөгч, хэсгийн цагдаагийн хамтаар очиж ажиллахад Баян айраг багт оршин суух иргэн М нь тээврийн хэрэгсэл жолоодох эрхгүй, согтууруулах ундааны зүйл хэрэглэсэн үедээ мотоцикл жолоодсон зөрчил гаргасан байв.

Иймд тээврийн хэрэгслийг журмын хашаанд байрлуулж, иргэнийг  саатуулсан. Ингэхдээ хүний эрхийг зөрчиж иргэнийг хасах хэмийн хүйтэнд гадаа гавласан асуудалд аймгийн цагдаагийн газраас иргэн М-ээс хүлцэл өчиж байна.

Цаашид гэмт хэрэг, зөрчилтэй тэмцэх үйл ажиллагаа явуулахдаа хүний эрхийг дээдлэн иргэнтэй хүндэтгэлтэй харьцаж байх талаар нийт алба хаагчдад үүрэг, чиглэл өгч ажиллалаа.

Эх сурвалж: Завхан аймаг дахь цагдаагийн газар

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН