2022 оны дөрөвдүгээр сарын 4-нөөс тавдугаар сарын 6-ны хооронд 11-11 төвийн утсаар эрүүл мэндийн салбартай холбоотой 326 санал, гомдол ирснээс 294-ийг нь шийдвэрлэж, 34-ийг нь холбогдох байгууллагуудад шилжүүлээд байна.
Мөн Эрүүл мэндийн сайд С.Энхболд Иргэд, олон нийттэй харилцах 11-11 төвд ажиллах үеэр иргэдээс эм болон эмнэлгийн тусламж үйлчилгээтэй холбоотой 25 санал хүсэлт утсаар ирж, 30 гаруй иргэдтэй сайд биечлэн уулзлаа.
Цаашид ЭМЯ-ны зүгээс иргэдийг санал хүсэлтийг шийдвэрлэх чиглэлээр шуурхай ажиллах болно гэдгийг Эрүүл мэндийн сайд энэ үеэр онцлов.
Засгийн газрын гишүүд долоо хоног бүрийн даваа гарагт 11-11 төвд ажиллаж, иргэдийг хүлээн авч уулзаж байгаа билээ.