Нүүр хуудасМэдээДэд сайд Б.Солонго АНУ-ын Мужийн шүүхийн үндэсний төвийн Гадаад харилцаа хариуцсан дэд...

Дэд сайд Б.Солонго АНУ-ын Мужийн шүүхийн үндэсний төвийн Гадаад харилцаа хариуцсан дэд ерөнхийлөгчтэй уулзав

Хууль зүй, дотоод хэргийн дэд сайд Б.Солонгоо Америкийн Нэгдсэн Улсын Мужийн шүүхийн үндэсний төвийн Гадаад харилцаа хариуцсан Дэд ерөнхийлөгч Жеффри Апперсоныг энэ сарын 20-нд хүлээн авч уулзлаа.

Америкийн Нэгдсэн Улсын Мужийн шүүхийн үндэсний төв нь эрх зүйт ёсыг сурталчлах, Америкийн Нэгдсэн Улс болон бусад улсын шүүхийн удирдлагыг сайжруулах чиглэлээр үйл ажиллагаа явуулдаг бөгөөд Монгол Улсын Шүүхийн ерөнхий зөвлөлтэй 2004 оноос хойш хамтран ажиллаж байна.

Тус уулзалтаар Хууль зүй, дотоод хэргийн дэд сайд Б.Солонгоо хувийн эрх зүйн шинэтгэлийг эрчимжүүлэх ажлын хүрээнд тус яамнаас хэрэгжүүлж буй ажлын талаар дурдлаа. Энэ хүрээнд иргэний хэрэг шүүхэд хянан шийдвэрлэх ажиллагааг шуурхай, иргэдэд хүртээмжтэй, чирэгдэлгүй болгох, шүүхийн ачааллыг бууруулах чиглэлээр тус байгууллагатай хамтран ажиллах боломжийн талаар санал солилцлоо.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН