Засгийн газрын ээлжит хуралдаанаар 24 асуудал хэлэлцэж байна. Үүнд, коронавируст халдварын нөхцөл байдал, бараа бүтээгдэхүүний үнийн өсөлтөөс урьдчилан сэргийлэхээр хэрэгжүүлж буй ажлын талаар хэлэлцэж байна. Мөн төрийн болон төрийн өмчийн оролцоотой хуулийн этгээдийн шинэчлэлт, 2022 оны улсын төсвийн төсөлд тусгасан 420 тэрбум төгрөгөөр санхүүжүүлэх нийслэлийн авто замын түгжрэлийг бууруулах, төвлөрлийг сааруулах төсөл, Улаанбаатар хотын хог хаягдлыг боловсруулах үйлдвэр байгуулах талаар хэлэлцэж байна. Засгийн газрын хуралдааны шийдвэрийг 14.00 цагт танилцуулах юм байна.