Узбекистан улсын Ташкент хотод зохион байгуулагдаж буй Ази, Номхон далайн орнуудын Олимпын эрх олгох туялзуур сэлэмний аварга шалгаруулах тэмцээнээс Монгол Улсын хоёр удаагийн аварга, спортын мастер Б.Амарзаяа хүрэл медаль хүртлээ.
Энэ бол монголын туялзуур сэлэмний спортын түүхэнд тохиож буй бахархам амжилтын нэг билээ.
Тэрбээр одоо 22 настай бөгөөд тус тэмцээний хүнд сэлэмний төрөлд өрсөлдөж, хагас шигшээд Казахстаны тамирчинд 14:15 оноогоор ойрхон тоглон ялагдал хүлээж хүрэл медаль хүртлээ.
Түүний жинд Сингапурын тамирчин алтан медаль хүртэн олимпын эрхээ авсан бол Казахстаны тамирчин мөнгөн медаль хүртсэн байна.
Хэсгийн шатанд:
Монгол 5:4 Тайланд
Монгол 5:4 Иран
Монгол 3:5 Вьетнам
Монгол 2:5 Австрали
Монгол 3:4 Энэтхэг
Монгол 5:3 Сири
Хасагдах шатанд:
Монгол 15:3 Филиппин
Монгол 15:14 Вьетнам
Монгол 14:15 Казакстан
