Сонгинохайрхан дүүргийн нутаг дэвсгэрт багтах Таван шарын автобусны буудлаас 10 дугаар хорооллын уулзвар, Саппорогийн уулзвараас Баянбүрдийн тойрог хүртэлх 9.15 км унадаг дугуйн зам тавих ажил үргэлжилж байна.
Одоогийн байдлаар Таван шарын автобусны буудлаас 10 дугаар хорооллын уулзвар хүртэлх дугуйн зам тавих газар чөлөөлөх ажлыг гүйцэтгэж байна.
Тодруулбал, туслах болон явган хүний зам, гүүрэн байгууламжийн зорчих хэсэг түүний захаар унадаг дугуйн зам эгнээг төлөвлөж ерөнхий шаардлага зэргийг боловсруулж байгаа юм. Тус унадаг дугуйн зам тавих ажил энэ оны есдүгээр сард бүрэн дуусна.
