Сонгинохайрхан дүүргийн Засаг даргын 2022 оны А/193 дугаар захирамжаар батлагдсан “Төрийн цахим үйлчилгээ сэдэвт хөтөлбөр”-ийн дагуу худалдаа, үйлдвэрлэл, үйлчилгээний чиглэлээр үйл ажиллагаа явуулж байгаа иргэн, аж ахуйн нэгжүүдэд төрийн үйлчилгээг хүртээмжтэй чирэгдэлгүй хүргэх зорилгоор хэрэгжиж байгаа “Нэг тархи нэгдсэн систем”-ийн танилцуулга болон холбогдох хууль, тогтоомж, стандартын таниулах сургалт боллоо. Тус сургалтыг ЗДТГ-ын Хүнс, худалдаа үйлчилгээний хэлтсээс зохион байгуулж байгаа бөгөөд сургалт хуваарийн дагуу энэ сарын 27, 28-ны өдрүүдэд үргэлжлэн зохион байгуулагдана.