Хөвсгөл аймгийн Их-Уул суманд бог малын мялзан өвчин бүртгэгдлээ гэж аймгийн Мал эмнэлгийн газраас мэдээллээ.
Тус аймгийн Рашаант суманд 8 дугаар сарын 31-нд бог малын мялзан өвчин бүртгэгдэж, хорио цээрийн дэглэм хэрэгжиж байна. Мөн хөрш зэргэлдээ Их-Уул суманд энэ сарын 15-нд энэ өвчний тохиолдол илэрчээ.
Хөвсгөл аймгийн Засаг даргын захирамжаар аймгийн нутаг дэвсгэрт бүх төрлийн мал, амьтны орох шилжилт хөдөлгөөнийг 9 дүгээр сарын 5-ны өдрөөс 2023 оны 1 дүгээр сарын 1 хүртэл түр хориглоод байна. Мялзан өвчин үүсгэгч вирус нь халдвар авсан малын нулимс, хамрын гоождос, ханиалга, ялгадсаар дамжин гадагшилдаг.