Франкфурт-Улаанбаатар чиглэлийн тусгай онгоц өнөөдөр 10:50 цагт Чингис хаан олон улсын нисэх буудалд газардаж, 256 иргэн эх орондоо ирсэн билээ. Тус онгоц мөн өнөөдөр Сөүл рүү нислэг үйлдэж Зүүн Өмнөд Азиас Сөүлээр дамжин ирж буй 265 иргэнээ татан авна.
Дээрх хоёр тусгай нислэгээр 500 гаруй иргэнээ хүлээн авах бэлтгэлээ бүрэн хангасныг ХӨСҮТ-ийн захирал Д.Нямхүү тэмдэглэсэн.
Ташрамд дурдахад, Афганистанд алба хааж буй энхийг сахиулагчдыг эх оронд нь авчрах цэргийн онгоцыг мөн өнөөдөр хүлээн авах байсан ч нислэг тодорхойгүй хугацаагаар хойшилсон талаар БХЯ-аас мэдээллээ.
