Нүүр хуудасМэдээCOVID-19-ийн халдвар Монгол Улсын 13 аймагт бүртгэгдлээ

COVID-19-ийн халдвар Монгол Улсын 13 аймагт бүртгэгдлээ

Гуравдугаар сарын 22-ны өдөр шинээр дөрвөн аймагт коронавирусийн халдварын тохиолдол батлагдлаа. Үүнд:

  • Булган аймгийн Могод суманд очоод, буцсан нэг иргэн коронавирусийн халдвартай нь батлагдав.
  • Дархан-Уул аймагт 3 иргэнээс халдвар илрэв. Эдгээр иргэн Өвөрхангай аймгийн “Сэмжид Хужирт” сувилалд эмчлүүлээд ирсэн байжээ.
  • Увс аймагт очсон нэг иргэнээс коронавирусийн халдвар илэрсэн байна. Тус иргэн мөн “Сэмжид Хужирт” сувилалд амраад иржээ. 
  • Өвөрхангай аймгийн “Сэмжид Хужирт” сувилалд эмчлүүлсэн 50 хүнээс шинжилгээ авахад 14 хүний хариу сул эерэг гараад байна.

 Одоогоор Өвөрхангай аймгийн сувилалд гараад буй халдварын эх уурхайн талаар ЭМЯ мэдээлээгүй байгаа ч “Сэмжид Хужирт” амралттай холбоотой ийнхүү гурван аймагт халдвар бүртгэгдэв.

Ийнхүү хоёрдугаар сарын 23-ны өдөр Бүх нийтийн бэлэн байдлын зэргийг бууруулж, Улаанбаатар хотоос орон нутаг руу гарах хөдөлгөөнийг гуравдугаар сарын 1-нд нээснээс хойш COVID-19-ийн халдвар Монгол Улсын 13 аймагт бүртгэгдлээ.

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН