Сонгинохайрхан дүүргийн 2, 3 дугаар хорооны айл өрхүүдэд Швейцарийн хөгжлийн агентлагийн Улаанбаатар хотын ахуйн хог хаягдлын цуглуулалт, тээвэрлэлтийн менежмент төслийн хүрээнд ангилан ялгах сав суурилуулж байна.Тус төслийн хүрээнд туршилтын журмаар нийт 500 айлд хог ангилан ялгах сав суурилуулж өгөх юм. Мөн төвлөрсөн хогийн цэгт нэмэлтээр дөрвөн газар байршуулж гэр хорооллын оршин суугчдын цэвэр, эрүүл орчинд амьдрах нөхцөлийг бүрдүүлж эхэллээ.
Төслийн хүрээнд сонгосон хороодын хог хаягдлыг цуглуулах, тээвэрлэх үйлчилгээний чанар, үр ашгийг сайжруулах, Хог хаягдлын санхүүгийн тогтвортой байдал, үр ашгийг дээшлүүлэх, Хог хаягдлын тухай хуулийн хэрэгжилтэд шаардлагатай журам, дүрэм боловсруулах зэрэг ажлуудыг хийж хэрэгжүүлэхээр төлөвлөөд байна.
