Сонгинохайрхан дүүргийн Засаг даргын А/241 дүгээр захирамжаар төв зам болон нийтийн эзэмшлийн зам дагуух гэрэлтүүлгийн шон дээр зөвшөөрөлгүй татсан кабелиудыг буулгаж, илэрсэн зөрчлийг арилгах ажлыг 4 дүгээр сарын 21-ний өдрөөс 5 дугаар сарын 1-ний өдрийг хүртэл зохион байгуулахаар болсон.
Энэ дагуу өнөөдөр ажлын хэсэг үүрэн холбооны операторуудын төлөөлөлтэй уулзаж хугацаатай үүрэг даалгавар өглөө. Хэрэв 4 дүгээр сарын 22-ны өдөр гэхэд эдгээр байгууллагууд дүүрэгтэй ямар нэгэн зөвшилцөлд хүрч чадахгүй бол маргаашаас эхлэн зөвшөөрөлгүй татсан кабелийн утсыг буулгана.
