Балчирхан наснаасаа эхлэн хүүхэд багачуудын хайртай “Том толгойтын адал явдал” цувралд гол дүр бүтээж байгаа Баатараа, Золбоо ( дүрийн нэр) хоёр 2021 онд дөрөв дэх анги “Том тоглоом гурван эрдэнийн эрэлд” киногоо амжилттай хийсэн билээ. Тэдний энэ уран бүтээл Монголын кино урлагийн түүхэнд 4 дэх үлгэрийн кино болсон гэдгээрээ онцлогтой. “Том тоглоом” киноны 30 хувь нь визуал эффект, 15 хувийн тусгай нүүр хувиргалттай, Өмнөговь, Хөвсгөл аймаг гээд Монгол орны байгалийн түүх дурсгалт 16 объектод зураг авалт хийснээр онцлог кино болжээ. Мөн “Том” хамтлагийн “Хичээл дээр” дуу нь youtube хуудаснаа 18 сая үзэлттэй болж, 2 дахь бие даасан 11 дуутай “number 1” цомогоо гаргасан амжилттай жил болжээ. Тэдний энэ амжилтыг үнэлж ТОМ толгойтууд 2021 оны нийслэлийн шилдэг хүүхэд болж, 10 орчим бүрэн хэмжээний кино контентын гол дүр бүтээж, 2 цомгийн 25 дуу, 20 орчим клиптэй болсон уран бүтээлч хүүхдүүд билээ.
