Хот байгуулалт, барилга, орон сууцжуулалтын сайдын 2025.04.18-ны өдрийн 83 дугаар тушаалаар баталсан “Цамхагт краны аюулгүй байдлыг хангах аян”-ны хүрээнд Салбарын хяналтын газраас хийж хэрэгжүүлэх ажил, цаашид авах арга хэмжээний талаар цамхагт краны угсралт, засвар үйлчилгээний чиглэлээр үйл ажиллагаа эрхэлдэг тусгай зөвшөөрөл бүхий мэргэжлийн байгууллагуудтай өнөөдөр /2025.04.23/-ны өдөр хамтарсан уулзалт зохион байгуулав.
Тус уулзалтад цамхагт краны угсралт, засвар үйлчилгээ эрхэлдэг аж ахуй нэгж байгууллагын төлөөлөл болон инженерүүд оролцож дараах саналыг гаргалаа.
- Монгол Улсад ашиглагдаж буй кран үйлдвэрлэгч орны краны насжилтыг тогтоож, ашиглалтаас хасах;
- Краны бэхэлгээний стандартыг нутагшуулах;
- Улсын хэмжээнд өргөх байгууламжийн үндэсний лабораторийг байгуулж, хөгжүүлэх;
- Монгол Улсын хилээр нэвтэрч байгаа цамхагт кранд хяналт тавьж, хилээр чанаргүй цамхагт кран нэвтрүүлэхгүй байх;
- Ашиглалт, аюулгүй ажиллагааны шаардлага хангахгүй ашиглалтаас хасагдсан краныг худалдан борлуулах, дахин ашиглах боломжгүй болгох;
- Орон нутаг болон нийслэлд Өргөх байгууламжийн чиглэлийн байцаагчийг нэмэгдүүлэх;
- Кран угсралтын ажлын үнэлгээг нэмэгдүүлэх
