Зэвсэгт хүчний 065 дугаар анги (2025.07.09) алба хаагчдынхаа чөлөөт цагийг зөв боловсон өнгөрүүлэх, хамт олны эерэг уур амьсгалыг дэмжих зорилгоор “Кофе шоп” шинээр байгуулж ашиглалтад орууллаа.
Нээлтийн үйл ажиллагаанд ангийн захирагч, удирдлагууд, офицер, ахлагч, ажилтан алба хаагчид оролцож, тууз хайчилж, амтат зууш, кофегоор үйлчилж, тус танхимын тохижилт, үйл ажиллагаа, цаашдын зорилтын талаар товч танилцуулга хийв.
Энэхүү кофе шоп нь алба хаагчдын алжаал тайлж, бүтээлч яриа өрнүүлэх, хамт олны уур амьсгалыг эерэг болгоход чиглэсэн юм.
