Ард түмнээ хайрлая нам (АТХН)-ын дарга Л.Аззаяагаас Улсын дээд шүүхэд 2023 оны 5 дугаар сарын 31-ний өдөр өргөдөл ирүүллээ.
Уг өргөдөл нь Ард түмнээ хайрлая намын 2 дугаар Их чуулганаар намын оноосон нэрээ Ард түмний хүч нам болгон өөрчилсөн тул үүнтэй холбоотой намын дүрэмд оруулсан нэмэлт өөрчлөлтийг бүртгүүлэх агуулгатай байна. Тус намыг 2015 онд Л.Гүндалай үүсгэн байгуулж, 2016 оны УИХ-ын сонгуульд нэр дэвшиж байв. Харин тэрээр 2021 онд Ардчилсан намын гишүүнчлэлээ сэргээж, Л.Аззаяа нь тус намын дарга болсон юм.
