Авлигатай тэмцэх газарт хуулийн дагуу 596 нэр дэвшигч Хөрөнгө орлогын мэдүүлгээ өгөх цахим эрх үүссэн талаар АТГ-аас мэдээлсэн. Өчигдрийн байдлаар УИХ-ын 2020 оны ээлжит сонгуульд нэр дэвшигчдээс 160 хүн хөрөнгө орлогын мэдүүлгээ бүртгүүлсэн байна.
АТГ-ын алба хаагчид уртасгасан цагаар ажиллаж байгаа бөгөөд сонгуульд нэр дэвшигчид энэ сарын 19-ний 23.59 цаг хүртэл цахимаар мэдүүлгээ бүртгүүлж, улмаар цахим системд мэдүүлгээ үнэн зөв мэдүүлснийг баталгаажуулах “Баталгааны маягт”-ыг СЕХ-нд хүргүүлэх юм.
Монгол Улсын Их Хурлын 2020 оны ээлжит сонгуульд нэр дэвшигч нь хөрөнгө, орлогын мэдүүлгээ АТГ-ын https://meduuleg.iaac.mn/ цахим системд гаргаж бүртгүүлэх үүрэгтэй бөгөөд мэдүүлгээ гаргах хуулийн хугацаа нь 2020 оны 5 дугаар сарын 17-19-ний 23.59 цаг хүртэлх хугацаанд явагдана гэдгийг анхаарууллаа.
