Гамшиг, ослын үед иргэдэд хамгийн түрүүнд хүрч ажилладаг байгууллага бол Улаанзагалмайн хороо байдаг. Сайн дурын идэвхтнүүдийн тусламжийг зорилтод бүлэгт хүргэн ажиллаж чаддаг тус байгууллага нь дүүрэгтэй олон талаар хамтран амжилттай ажилласаар ирсэн.
Баянзүрх дүүргийн Улаанзагалмайн хорооны тэргүүн, дүүргийн иргэдийн Төлөөлөгчдийн Хурлын дарга Ч.Мэндсайхан энэ оны анхны хурлыг удирдан явууллаа. Тус хурлаар байгууллагын 2025 оны төлөвлөгөөг баталж, Удирдах зөвлөлийн гишүүдийг сонгон баталгаажууллаа.
Удирдах зөвлөлийн гишүүдээр,
1.Баянзүрх дүүргийн иргэдийн Төлөөлөгчдийн Хурлын дарга Ч.Мэндсайхан
2.НИТХ-ын төлөөлөгч , НИТХ-ын дарга А. Баяр
3.БЗД-ийн Онцгой байдлын хэлтсийн дарга, хурандаа М.Пүрэвжав
4.”Да хүрээ” ХК-ийн захирал Д. Алимаа
5.”Ноён- Оргил хөгжил” ХХК-ийн захирал Амаржаргал
6.БЗД-ийн Соёлын ордны дарга, ДИТХ-ын төлөөлөгч Л.Рэнчинням
7.Малчин н.Пүрэвээ
8.Жүжигчин, найруулагч Ш.Мөнхбаяр
9.БЗД-ийн 36 дугаар хорооны Засаг дарга, ДИТХ-ын төлөөлөгч Г. Мядагцэцэг нарын бүрэлдэхүүнтэйгээр ажиллахаар боллоо.
