УИХ-ын ээлжит бус чуулган нээлтээ хийх үеэр Б.Жавхлан гишүүний нэгэн зураг олны анхааралд өртсөн юм. Тодруулбал, төрийн дуулал эгшиглэж байхад халаасандаа гараа хийлээ гэх шүүмжлэл цахим орчинд нилээн давлагаалсан. Харин үүний тайлбарыг Б.Жавхлан гишүүн цахим хуудсаараа дамжуулан хүргэжээ.
Б.Жавхлан: Нүүр номын найзууд оройн мэндээ! Ээлжит бус чуулган өнөөдөр эхэллээ! Төсвийн байнгын хорооны ажлын эд ачааллын үе. Цахимаар түргэн шуурхай мэдээлэл авах солилцох шаардлага ихэсдэг цаг. Өглөө нээлтийн үеэр утсаа хаагаад, хувцсаа янзлаад гараа зүрхэндээ авах хоорондох зургуудыг тавиад сошиалаар шүүмжлэл явжээ. Шүүмжлэлийг хүлээж авнаа. Гэхдээ цааш нь бүтнээр нь харуулсан зургийг доор орууллаа. Найзууд тунгаана бизээ! гэжээ.
