Судан Улсын Хартум хотод байсан Монгол Улсын хоёр иргэн 4 дүгээр сарын 24-ний орой Улаанбаатарын цагаар 21 цагийн үед Порт Судан хотод очсон гэж Гадаад харилцааны яамнаас мэдээллээ.
Тодруулбал, Зэвсэгт мөргөлдөөн болж буй Хартум хотод НҮБ-ын Хүүхдийн сангийн төлөөлөгчийн газрын нэг ажилтан, нэг энхийг сахиулагч түгжигдсэн байсан юм. ГХЯ-аас дээрх иргэдийг татан авах бүхий л боломжийг эрэлхийлэн ажиллаж, тэдэнтэй байнгын холбоотой байгаа тухай мэдээллэж байсан. Тэгвэл НҮБ-аас зохион байгуулсан нүүлгэн шилжүүлэх ажиллагаанд хамрагджээ.
Хартум хотоос Порт Судан хот хүртэл 900 орчим км зайтай юм байна.
