Үндэсний дээл хувцасаар дамжуулан Монгол орноо дэлхийд сурталчлан таниулах, залуу хойч үедээ түүх соёлоо хадгалуулан үлдээх зорилготой Дээлтэй Монгол наадам 17 дахь жилдээ амжилттай зохион байгуулагдлаа. Энэ удаагийн наадамд Сүхбаатар дүүргийн Засаг даргын Тамгын газар, 1-20 дугаар хорооны нийт 600-аад албан хаагч, соёлын биет бус өвлөн тээгч, хүүхэд, залуу гэр бүл, иргэд оролцлоо. Сүхбаатар дүүргийн 18 дугаар хорооны иргэн Ч.Нарангэрэл, Ц.Эрдэнэтогтох нарыг Сүхбаатар дүүргийн иргэдийн төлөөлөгчдийн хурлын хүндэт тэмдэгээр Дүүргийн ИТХ-ын төлөөлөгч, Хууль зүй төрийн байгуулалтын хорооны дарга Э.Чинзориг шагналаа.
