“Малчин энержи” ХХК -н хоногт 500 ширхэг байгальд ээлтэй “смарт баттерей” үйлдвэрлэх хүчин чадалтай үйлдвэр ашиглалтанд оруулж албан ёсны нээлтээ хийлээ.
Нээлтэнд хамтран ажиллагч БНХАУлсын төрийн соёрхолт инженер ноён Ян Бин оролцож үйлдвэрийн ажлыг эхлүүллээ.
Өнөөдөр Монгол улсад малчин айл бүрийн гадна дор хаяж 875 000 ашиглагдахгүй болсон хар тугалга хүчлийн батарей хог болон хэвтэж байна. Эдгээр нь малчны хот, малын бэлчээр, байгаль орчныг бохирдуулах эрсдэлтэй. Тиймээс Малчин компани нийгмийн хариуцлагын хүрээнд нэгдсэн журмаар хар тугалган батарейг эргүүлэн татаж устгалд оруулах буюу экспортлохоор ажиллаж байгаа ажээ.
