Монгол улсын хамгийн үзэсгэлэнт байгальтай Хөвсгөл аймаг уул уурхайгүй аймаг байж байгалийн нөөц баялагыг хөндөлгүй онгон дагшнаар нь хадгалахыг эрмэлздэг. Энэ тал дээр нутгийн иргэд санаачлагатай ажиллаж уул уурхайг эсэргүүцэн хүчтэй тэмцэл өрнүүлдэг билээ.
Гэтэл 2019.12.05-ын өдөр Хөвсгөл аймгийн ИТХ-ын ээлжилт 11-р хурал болж уг хуралдаанаар Хөвсгөл аймгийн авто замын сүлжээг 2030 он хүртэл хөгжүүлэх ерөнхий төлөвлөгөөг танилцуулан баталжээ. Тодруулвал тус төлөвлөгөөнд тусгагдсан авто зам дотор Аспайр майнг компанийн Могойн голоос Эрдэнэт хүртлэх нүүрс зөөх 560 км авто зам багтаж дэмжигдэн батлагдсан байна.
Энэхүү асуудал аль хэдийн иргэдийн анхааралд орж эсэргүүцлээ илэрхийлж эхэлжээ.
