ДАШТ-ий алт, мөнгө, хүрэл медальт, Монгол Улсын гавьяат тамирчин Мөнхжанцангийн Анхцэцэг БНСУ-ын Жинжү хотод болж буй хүндийн өргөлтийн насанд хүрэгчдийн Азийн аварга шалгаруулах тэмцээний эмэгтэйчүүдийн 81 кг-ын жинд хүрэл медаль хүртэв.
Тэрээр огцом өргөлтөөр 108, түлхэлттэй өргөлтөөр 135, нийлбэр дүнгээр 243 кг-ыг өргөснөөр 3 хүрэл медаль хүртэж шагналын тавцанд зогсч байна. Манай тамирчны урд БНХАУ-ын хоёр тамирчин алт, мөнгөн медалийн эзэн болсон.
Эх сурвалж: Биеийн тамир, спортын улсын хороо
