Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулж буй “Улаанбаатар биенналь 2025” олон талт соёл, урлагийн нэгдсэн үйл ажиллагаанд нийт дэлхийн 29 орны 300 орчим гадаад оролцогчид, 22 багц үйл ажиллагааг 06 сарын 06-20-ний өдрүүдэд буюу 15 хоногийн турш зохион байгуулж буй.
Энэ хүрээнд 06 дугаар сарын 09-ний өдөр “Нээлттэй орон зай” уран бүтээлчид, кураторуудын чуулган уулзалтыг Монголын уран зургийн галерейд зохион байгууллаа. Арга хэмжээгээр “Улаанбаатар биенналь 2025”-ын Ерөнхий куратор Тиан Занг “Сарны доор, тэнгэрийн хаяанд” сэдэвт үзэсгэлэнгийн бүтээлүүдийг танилцуулж, “Тэнгэрийн доор: Өвөг дээдсийн сүнс сүлд, өв соёлын холбоо” сэдвээр чөлөөт ярилцлага өрнүүллээ.
