Нийслэлийн Засаг даргын 2025 оны “Гол, усны ослоос урьдчилан сэргийлэх талаар авах зарим арга хэмжээний тухай” захирамжийг хэрэгжүүлэх ажлын хүрээнд алба хаагчид Туул, Тэрэлж, Хэрлэн, Сэлбэ гол дагуу хөдөлгөөнт болон завьт эргүүлээр өдөр бүр ажиллаж байна.
Хөдөлгөөнт болон завьт эргүүлийн бүрэлдэхүүн 2025 оны 06 дугаар сарын 19-ний өдрөөс 07 дугаар сарын 14-ний өдрийг хүртэл хугацаанд гол, усны аюулаас урьдчилан сэргийлэх сэрэмжлүүлэг яриаг 17988 иргэнд (том хүн-11492, хүүхэд-6496) хүргэж, 8346 ширхэг тараах материал тараан, голын эргээс 1946 автомашин холдуулж, аюулгүй байдлаа хангах заавар, зөвлөмжийг хүргэсэн байна.
