Үндсэн хуулийн цэцийн нийт
гишүүдийн хуралдаан өнөөдөр болж, Үндсэн хуулийн цэцийн даргад нэр дэвших, дэвшүүлэх,
сонгох асуудлыг хэлэлцсэн байна.
Үндсэн хуулийн цэцийн тухай хуулийн 6 дугаар зүйлийн 1 дэх
хэсэгт “Цэцийн даргаар сонгох хүний нэрийг Цэцийн гишүүд дотроосоо дэвшүүлэн
хуралдаанаараа хэлэлцэж, саналыг нууцаар хурааж нийт гишүүний олонхийн санал
авсан хүнийг сонгоно” гэж заасны дагуу Үндсэн хуулийн цэцийн даргыг сонгох үйл
ажиллагаа явагджээ. Улмаар
Үндсэн хуулийн цэцийн
нийт гишүүдийн олонхын санал авсан Үндсэн хуулийн цэцийн гишүүн Намжилийн
Чинбатыг Монгол Улсын Үндсэн хуулийн цэцийн даргаар сонголоо.
Монгол Улсын Үндсэн хуулийн цэцийн дарга Н.Чинбат өмнө нь
Улсын дээд шүүхийн орлогч дарга, Иргэний коллегийн дарга, Улсын Их Хурлын
даргын хуулийн зөвлөх, Засгийн газрын хэрэгжүүлэгч агентлаг- Оюуны өмчийн
газрын дарга, Хууль зүй, дотоод хэргийн сайдын зөвлөх зэрэг албан тушаал хашиж
байсан. 1998-2004 онд Монгол Улсын Үндсэн хуулийн цэцийн гишүүнээр томилогдон
ажиллаж байсан билээ. Тэрбээр Монгол Улсын гавьяат хуульч цолтой юм.
Н.Чинбатыг ҮХЦ-ийн даргаар сонголоо
