Онцгой байдлын байгууллагаас зарласан нээлттэй сонгон шалгаруулалтад тэнцсэн найман алба хаагч БНХАУ-ын Цэргийн сургуульд суралцахаар гэрээнд гарын үсэг зурлаа.
ОБЕГ-ын тэргүүн дэд дарга бөгөөд штабын дарга, бригадын генерал Ц.Ганзориг алба хаагчидтай уулзан баяр хүргэж, суралцах хугацаандаа сахилга баттай, албаныхаа нэр хүндийг өргөн идэвх чармайлт гарган суралцахыг чиглэл болгосон юм.
Алба хаагчид цэргийн командлал, явган цэргийн командлал, компьютер, сүлжээний технологи, сувилахуйн ухаан, тээврийн хэрэгслийн засвар үйлчилгээ, харилцаа холбоо тоног төхөөрөмжийн дэмжлэг гэсэн найман төрөл мэргэжлээр суралцана.
