Онцгой байдлын байгууллага нь түүхийн 20 жилийн хугацаанд өдрөөс өдөрт өргөжин тэлж, үүрэг хариуцлага нэмэгдэж газрын гүнд, гадарга дээр, ууланд, агаарт, усны мандалд, усны гүнд гээд бүхий л орон зайг үл хамааран үүрэг гүйцэтгэж байна.
Түүхийн энэ хугацааны ололт, бүтээн байгуулалт, алба хаагчдын нийгмийн баталгаа, олон улсын байгууллагуудтай хамтран хэрэгжүүлж байгаа төсөл хөтөлбөр, Онцгой байдлын байгууллагаас зохион байгуулдаг сургалт, дадлага гээд бүхий л чиглэлээр алба хаагчдын ар гэрт мэдээлэл өгөх зорилготой “Онцгой алба-Бидний алба” уулзалтыг Баян-Өлгий аймагт зохион байгууллаа.
Уулзалтад тус аймгийн Онцгой байдлын газар, анги, салбарын алба хаагчдын 170 гаруй хүн оролцсон юм.
