Сонгинохайрхан дүүргийн иргэдийн Төлөөлөгчдийн Хурлын Засаглал, хууль, эрх зүйн хорооны хурал өнөөдөр /2024.12.10/ боллоо.
Засаглал, хууль, эрх зүйн хороо нь хүний эрх, эрх чөлөө, түүний баталгааг хангахтай холбоотой асуудал, хууль тогтоомж, хурлын шийдвэрийн хэрэгжилт, мэдээллийн ил тод байдал, дүүргийн төр, захиргааны байгууллагын үйл ажиллагаа, жендерийн эрх тэгш байдлыг хангах бодлого, хэв журам, цахим үйлчилгээ зэрэг чиг үүргийнхээ хүрээнд 11 хэлтэс, албадын асуудлыг эрхлэх юм.
Хурлаар тус хорооны эрхлэх асуудлын хүрээнд хамаарах хэлтэс, албадын 2024 оны үйл ажиллагааны тайлантай танилцах гүйцэтгэлийн төлөвлөгөөний биелэлт, байгууллагаас дэвшүүлсэн зорилтын хүрээнд зохион байгуулсан ажил, арга хэмжээний үр дүнг танилцууллаа.
