Дүүргийн хэмжээнд нийтийн эзэмшлийн ногоон байгууламжийн 9 байршилд цэцэг тарих ажлыг хийж гүйцэтгэсэн. Улмаар баруун 5 аймаг руу салдаг төв замын тойргийн уулзварт монгол уламжлалын хийцлэлтэй цэцэгт байгууламжийг шинээр бий болгон 6 төрлийн 15,100 гоёлын цэцгийг тарьж, 1000 м.кв талбайд зүлэгжүүлэлт хийж, ногоон байгууламжийн өнгө үзэмжийг сайжруулах ажлыг зохион байгууллаа.
Цэцэгт байгууламжийг дүүргийн Засаг даргын Тамгын газар, зам цэвэрлэгээ үйлчилгээний “Грэйт роуд” ХХК, ногоон байгууламжийн арчилгааны “Нүри” ХХК хамтран хийж гүйцэтгэлээ. Мөн түүхт дурсгалт хөшөө, суварга цогцолборыг засварлаж, өнгө үзэмжийг сэргээн будах, гэрэлтүүлгийг шинээр суурилуулах ажлыг хийж ашиглалтад орууллаа.
