Гамшгийн улмаас орон гэргүй болсон иргэдэд тусламж үзүүлэх зорилгоор дүүргийн Засаг даргын тамгын газар, дүүргийн онцгой байдлын хэлтэс хамтран “Байгалийн гамшгийн эсрэг баялаг бүтээгчид хамтдаа” аяныг эхлүүлсэн.
Энэ аян арга хэмжээтэй холбогдуулан дүүргийн Засаг даргын орлогч Д.Хосбаяр дүүрэгт үйл ажиллагаа явуулж буй аж ахуйн нэгж байгууллагын төлөөллүүдтэй уулзалт зохион байгууллаа.
Уулзалтаар гамшгийн улмаас орон гэргүй болсон иргэдэд тусламж үзүүлэх, түр орон байраар хангах асуудлаар санал солилцсон бөгөөд “Сүү” ХК, “Милл Хаус” ХХК, “Хоргын хүү” ХХК, “Арвайн үндэс” ХХК, “Хатан сүйх импекс” ХХК, “Хос ивээл” ХХК, “Евро ази трейд” ХХК, “Махимпекс” ХХК зэрэг байгууллагууд нийгмийн хариуцлагын хүрээнд аянд нэгдэж, хамтран ажиллахаа илэрхийллээ.
