Улсын Их Хурлын Төрийн байгуулалтын байнгын хороо өнөөдөр /2024.01.16/ 19.55 цагт дахин хуралдаж “Төрийн байгууллагуудыг бүсчлэн байршуулах тухай” Улсын Их Хурлын тогтоолын төслийн эцсийн хэлэлцүүлгийг хийлээ.
Тогтоолын төслийн анхны хэлэлцүүлгийг чуулганы нэгдсэн хуралдаанаар хэлэлцэх үеэр олонхын дэмжлэг авсан саналуудыг төсөлд нэмж тусган, төслийн агуулга, бодлого, зарчмыг алдагдуулахгүйгээр үг хэллэг, дэс дараалал, бүтцийн шинжтэй зарим засварыг хийж төслийг эцсийн хэлэлцүүлэгт бэлтгэсэн гэдгийг хуралдаан даргалагч танилцуулав.
