УИХ-ын дарга Н.Учрал, УИХ дахь МАН-ын Бүлгийн дарга Ж.Батжаргал болон төвийн бүсээс УИХ-д сонгогдсон гишүүдийн хамтаар өчигдөр /2026.03.04/ Сэлэнгэ аймгийн Алтанбулаг, Сүхбаатар суманд ажиллаж орон нутгийн удирдлагууд, төрийн албан хаагчид, иргэдтэй уулзлаа.
Уулзалтын үеэр Сэлэнгэ аймагт хийж хэрэгжүүлж байгаа бүтээн байгуулалтын ажлуудын талаар мэдээлэл хүргэн иргэдийн санал хүсэлтийг сонсов.
УИХ-ын даргын дэвшүүлсэн “Чөлөөлье, цэгцэлье” санаачилга нь Засгийн газрын бодлоготой уялдан, эдийн засгийн өсөлтийг иргэн бүрд хүртээх, цалин тэтгэврийг үе шаттай нэмэгдүүлэх, иргэд болон аж ахуйн нэгжүүдийн өсөн дэвжих бодит боломжийг бүрдүүлэхэд чиглэж байна.
Мөн иргэд ХАА-н чиглэлийн дээд сургууль байгуулах, стратегийн ач холбогдол бүхий байршил болон хилийн боомтыг харгалзан аймгийг хотын статустай болгох саналыг дэвшүүллээ. Ингэснээр Дархан хотын жишгээр хөгжил, хөрөнгө оруулалтын шинэ боломж бий болно гэж үзэж байна
