НИТХ-ын ээлжит хуралдаанаар өвөлжилтийн бэлтгэл ажлын талаар хэлэлцэж байна. Энэ үеэр Нийслэлийн Засаг даргын нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөмөө иргэдийг угаарын хийн хордлогоос урьдчилан сэргийлэх Шуурхай штаб байгуулсныг мэдээллээ.
Тэрбээр “Налайх дүүрэгт угаарын хий мэдрэгчийг тараах бэлтгэл ажлыг хангаж байна. Орчны бохирдлыг бууруулах үндэсний хороо, НЗДТГ, “Тавантолгой түлш” компани хамтран угаарын хийн хордлогоос урьдчилан сэргийлэх 24 цагийн Шуурхай штабыг байгууллаа. Штабт холбогдох байгууллагынхан багтсан. Өөрөөр хэлбэл хэн нэгэн иргэн угаарын хийд хордох юм бол Шуурхай штабын баг очиж, эрдэнэт хүний амь насыг хамгаалах юм.
Угаарын хийн хордлогын дуудлагыг бүртгэлжүүлж, иргэдэд зөвлөмж мэдээллийг хүргэж байна. Улаанбаатарт түр суурьшиж байгаа болон шилжин ирж буй хүмүүст мэдээлэл өгч, угаарын хийн мэдрэмж суурилуулна.
9 дүгээр сарын 15-наас халаалтын улирал эхэлнэ. Сайжруулсан шахмал түлшний 450 цэгийг байгуулахаар бэлтгэлээ хангасан” хэмээн танилцууллаа.
