УИХ-ын чуулганы өнөөдрийн хуралдаанаар УИХ-ын гишүүний бүрэн эрхийг түдгэлзүүлэх эсэх асуудлыг хаалттай горимоор хэлэлцэж байна.
УИХ-ын гишүүн Н.Алтанхуяг чуулганы хуралдааны эхэнд уг асуудлыг нээлттэй горимоор хэлэлцэх санал гаргасан боловч албаны нууцад хамааралтай тул нээлттэй хэлэлцэх боломжгүй юм байна. Тиймээс УИХ-ын дарга Г.Занданшатар хаалттай горимоор хэлэлцэх болсныг гишүүдэд дуулгасан юм.
УЕПГ-аас оруулж ирсэн саналын дагуу УИХ-ын гишүүн Д.Бат-Эрдэнэ, Т.Аюурсайхан, Н.Наранбаатар нарын бүрэн эрхийг түдгэлзүүлэх эсэх асуудлыг өчигдөр УИХ-ын Халдашгүй байдлын дэд хороо, МАН-ын бүлэг, Төрийн байгуулалтын болон Хууль зүйн байнгын хороодын хуралдаанаар тус тус авч хэлэлцсэн. Харин өнөөдөр эцсийн шийдвэр гаргах хуралдаан чуулганы танхимд үргэлжилж байна.
