Улсын хэмжээнд их, дээд сургуульд элсэгчдийн сурах ерөнхий чадвар, мэдлэгийн түвшнийг тогтоох зорилготой “Элсэлтийн Ерөнхий Шалгалт”-ын /ЭЕШ/ 2022 оны онлайн бүртгэл явагдаж дууслаа. Улсын хэмжээнд ЭЕШ өгөхөөр нийт 36,253 иргэн бүртгүүллээ.
ЭЕШ өгөх иргэд “Монгол хэл бичгийн шалгалт”-д заавал хамрагдах журамтай. Ингэхдээ шалгалтыг хоёр удаа авч байгаа. Уг шалгалтын босго оноо 400 байгаа. Эхний шалгалтад хамрагдаж чадаагүй болон босго оноонд хүрээгүй иргэдээс давтан шалгалтыг тавдугаар сарын 7-нд авна.
Харин Монгол хэл бичгийн дахин шалгалтын суудлын хуваарь тавдугаар сарын 1-ний өдөр гарна гэж Боловсролын яамнаас мэдээллээ.
