3 сарын 10-ны өдөр Монгол улсад COVID-19 халдварын анхны тохиолдол бүртгэгдсэн. Энэхүү анхны тохиолдол Франц улсын иргэн байсан юм. Тэрбээр ХӨСҮТ-д 47 хоногийн турш эмчилгээ хийлгэсэний үр дүнд эдгэж нутаг буцахаар болсон байна. Түүнд Монголчууд “Анх-Отгон” хэмээх нэрийг өгсөн. Тэрбээр маргааш Улаанбаатар-Франкфурт чиглэллийн тусгай нислэгээр буцахаар болсон талаар эх сурвалж мэдээллээ.
МИАТ ТӨХК Улаанбаатар-Франкфурт чиглэлийн тусгай нислэгээр Европ руу явах иргэдэд тийз бичиж байгаа. Харин Франкфурт-Улаанбаатар чиглэлийн транзит нислэгээр 13 улсаас 263 иргэн ирнэ гэх урьдчилсан тоо гарсныг Гадаад харилцааны яамны Консулын газрын дарга Л.Мөнхтүшиг мэдээлсэн юм.
