Нүүр хуудасНийтлэлХаяао Мияазаки: Энэ бол амьдралыг доромжилж буй хэрэг

Хаяао Мияазаки: Энэ бол амьдралыг доромжилж буй хэрэг

Бидний бага насыг утга уянга, төсөөллөөр дүүрэн анимейшнээр чимж өгсөн эрхэм бол яахын аргагүй Хаяао Мияазаки билээ. Тэрээр энэ жил 84 насыг зооглож байгаа эрхэм. 1985 онд тэрээр “Ghibli” студийг хамтран үүсгэн байгуулсан. “Ghibli” студийн олонд танигдсан бүтээлүүдээс дурьдвал Миний хөрш Тоторо (My neighbor totoro), Кикигийн хүргэлтийн үйлчилгээ (Kiki’s delivery service), Сүнсээр туугдагсад (Spirited away), Хаулын явдаг цайз (Howl’s moving castle) анимэйшнүүд нэрлэгдэнэ. Эдгээр анимэйшнүүд нь байгаль хүн хоёрын холбоог тусгаж өгснөөрөө хүүхэд багачуудаас гадна, томчуудын сонирхлыг ч татдагаараа онцлог. 1984-2004 оны үе бол Японы анимэйшний шинэ үе гэж үздэг.  Дээр дурьдсан бүтээлүүд энэ он цагт гарч хамгийн их үзэлт, хандалт, шинэчлэлтийг авчирсан. “Ghibli” студи нь одоо хүртэл 2D анимэйшнээр дагнаж гар аргаар бүх бүтээлээ зурдаг. Хамгийн сүүлд буюу 2023 онд гарсан “The boy and the Heron” бүтээл нь 10 гаруй жил зурагдсан гэдэг. Тэрээр хоёр удаагийн “Оскар”-ын шагналыг хүртэж байсан. 2001 онд бүтээгдсэн “Spirited Away” кино нь 75 дахь Оскарын наадмаас шагнал хүртэж анхны Оскарын шагналт анимэ бүтээл болж байсан бол хамгийн сүүлийн бүтээл нь мөн Оскарын шагнал хүртсэн юм. 

Тэгвэл Хаяао Мияазаки нь 2016 онд хиймэл оюун ухааны талаар “Би өөрийн ажилдаа энэ технологийг огтоос ашиглахыг хүсэхгүй байна. Би үүнийг амьдралыг доромжилсон хэрэг гэж мэдэрч байна” гэж хэлж байжээ. Харин өнөөдөр та сошиал руугаа ороход хаа сайгүй “Ghibli” студийн хэв маягаар янзалсан зураг харж байна. Та өөрөө ч ийм зурагтай болсон гэдэгт эргэлзэхгүй байна. Хүн бүр өөрийн дүр төрхийг анимэд хэрхэн харагдах бол гэсэн бодлоор зурагаа янзалж байгаа нь мэдээж, бас сонирхолтой. Гэсэн хэдий ч үүний ард “Chatgpt”-ийн маш том РЕКЛАМ явж байгаа мэт. Хүн бүр “Chatgpt”-г мэддэггүй байсан бол одоо зурагаа янзлах зорилгоор энэ программд гацалт үүстэл нь ачааллуулж байна. Эндээс хүмүүс “Ghibli” гэх студийн талаар бус “Chatgpt” аппликэйшнийг илүү мэдэж авч байна. Үүнээс улбаалаад оюуны өмчийн зөвшөөрөл авч зураг бүтээж байгаа юу гэсэн асуудал ч яригдаж болох юм

Нийтэлсэн: К

ХАРИУ ҮЛДЭЭХ

Сэтгэгдэл оруулна уу!
энд нэрээ оруулна уу

This site uses Akismet to reduce spam. Learn how your comment data is processed.

ИХ УНШИГДСАН