БНСУ-ын Бүтээмжийн төвийн чанарын баталгаажуулалтын газрын захирал Жон Жи Тэ, ерөнхий менежер И Дун Гын нар 2025 оны 04 дүгээр сарын 03-ны өдөр Сөүлийн Үндэсний Их Сургуулиас хэрэгжүүлж буй “S-QUAD” төслийн хүрээнд байгальд ээлтэй, ногоон барилгын үнэлгээг гэрчилгээжүүлэх, бодлогын баримт бичигт тусгах талаар сайн туршлагаа танилцууллаа.
Энэхүү арга хэмжээнд ХББОСЯ-ны газар хэлтсийн төлөөлөл, харьяа байгууллагын албан хаагчид, салбарын төрийн болон төрийн бус байгууллагын төлөөлөл оролцож, ногоон барилгыг гэрчилгээжүүлэх шаардлага, үнэлгээний шалгуур, эрх зүйн тогтолцоо, барилгыг гэрчилгээжүүлэх ач холбогдол, сайн туршлагын талаар санал солилцож, “S-QUAD” төслийн хүрээнд цаашид хамтран ажиллаж, мэргэжилтэн бэлтгэх талаар хэлэлцэв.
