Монголчуудын нас баралтын тэргүүлэх шалтгаан болсон зүрх судасны өвчлөлд нөлөөлөх гол хүчин зүйлс болох хөдөлгөөний хомсдол, жингийн илүүдэл, зохисгүй хооллолт, амьдралын буруу хэв маяг, стресс зэрэг ордог байна.
Иймд иргэдийн эрүүл мэндийг хамгаалах үүднээс зохион байгуулж буй Цусны даралт ихсэлтийн эсрэг аян 2022 амжилттай хэрэгжиж байна. Өмнөговь болон Дорноговь аймагт амжилттай хэрэгжсэн бөгөөд одоогоор Орхон Сэлэнгэ аймгуудад үргэлжлээд байна. Аяны хүрээнд Орхон аймагт иргэдийн эрсдэлийг үнэлэн, зөвлөгөө өгч, зорилтот бүлгийн иргэдэд зүрх судас, зүрхний шигдээс, мэдрэл, тархины цус харвалт, бөөр, хоол боловсруулах замын эмгэгийн төрөлжсөн мэргэжлийн эмч нарын үзлэгт хамруулж байна. Мөн орчин үеийн эмнэлзүйн арга барилыг хангах эмч мэргэжилтнүүдэд зориулсан сургалт зохион байгууллаа.
