Монгол Улсын Ерөнхийлөгчийн зарлигаар Дундговь аймгийн Эрдэнэдалай сумын өндөр настан, малчин Бат-Очирын Лхагваг Мал аж ахуйн салбарт 68 жил тасралтгүй ажиллаж, ХАА-н салбарыг хөгжүүлэхэд үнэтэй хувь нэмэр оруулсныг нь үнэлж Хөдөлмөрийн гавьяаны улаан тугийн одонгоор шагнуулсныг УИХ-ын гишүүн Ц.Мөнхбат гардууллаа.
Б.Лхагва гуай 1956 онд нэгдэл нийгэмдээ малаа нийгэмчилж нэгдлийн гишүүн болсон. Энэ хугацаанд 1970–1980 онд энх сүрэгтнээр 10 удаа, 1974-1981 онуудад тасралтгүй сумын Аварга саальчин, 1980- 1985 онд Аварга төлчнөөр 5 удаа, ямааны ноолуурын аваргаар 3 удаа, Аймгийн ашиг шимийн аваргаар 3 удаа шалгарч байсан хөдөө аж ауйн салбарын тод төлөөлөл болсон эрхэм буурал юм.
Б.Лхагва нь 1970 оноос мал маллаж өөрийн үйл ажиллагаанд аварга тэргүүний малчдын арга туршлагыг бүтээлчээр нэвтрүүлж БНМАУ-ын Хошой аварга малчин Г.Риймэдийн “Бог малыг таргалуулдаг арга туршлага”, ахмад тэргүүний хоньчин Л.Ёндонгийн “Бэлчээрийг нөөцлөн хуваарилан ашигладаг” , ахмад тэргүүний малчин Т.Эмээлийн “Төл малыг онд бүрэн оруулдаг” туршлагуудыг мал маллах арга ухаандаа үр ашигтай нэвтрүүлэн ажиллаж залуу үедээ одоог хүртэл сургаж уламжлуулан мал маллаж байна
