ӨМНӨГОВЬ АЙМАГ МАНДАЛ-ОВОО СУМ
Говийн бүсээс сонгогдсон УИХ-ын гишүүд Өмнөговь аймгийн баруун бүсийн 9 суманд ажиллаж Мандал-Овоо сумын иргэдтэй уулзалт хийлээ.
Уулзалтад сумын иргэд идэвхтэй оролцож тойргоосоо сонгогдсон УИХ-ын гишүүдийн ажлын тайланг сонсож, орон нутагт тулгамдаж байгаа асуудлуудаа танилцуулан УИХ-ын гишүүд, аймгийн удирдлага, албаны хүмүүсээс хариулт, тодруулгыг авлаа.
Сумын төвд “Ингэн тагш” нэртэй аймгийн хэмжээнд анхны ингэний сүү цагаан идээг боловсруулж савлах үйлдвэр ажиллаж Ингэний буцалгаа, хоормог, аарц ааруул зэргийг зориулалтын саванд савлан дотоодын хэрэглэгчиддээ хүргэн ажиллаж байна.
