“Тэнүүн Огоо” ХХК-ийн Чингэлтэй-Зунжин чиглэлийн автобусны жолоочоос шинэ коронавирусийн халдвар илэрсэн бөгөөд түүний ойрын хавьтлуудыг тусгаарласан болохыг ХӨСҮТ-өөс мэдээллээ.
Тухайн жолооч гэр бүлийн хавьтлаар халдвар авсан байна. Жолооч энэ сарын 24-ний өдрөөс хойш ажилдаа яваагүй бөгөөд тухайн автобус баазын 90 хүнийг тусгаарлан шинжилгээ авч байгаа аж.
Иймд арванхоёрдугаар сарын 20-ноос 24-ний хооронд Чингэлтэй-Зунжин чиглэлийн автобусаар үйлчлүүлсэн иргэдийг сайн дурын шинжилгээнд хамрагдахыг ХӨСҮТ-өөс зөвлөлөө.
Тухайн жолооч зуслан чиглэлийн автобусанд жолооч хийж байсан бөгөөд “Би Чингэлтэй-Зунжин чиглэлийн автобусанд жолооч хийдэг. Зуслангийн чиглэл болохоор их хүн суудаггүй” хэмээн асуумж бөглөсөн гэж ЭМЯ-наас мэдээллээ.
