2021 нэгдүгээр сарын 4-ний өдөр улсын хэмжээнд нийт 11,581 хүнд PCR шинжилгээ хийхэд 22 хүнд халдвар илэрсэн.
22 тохиолдол бүгдээрээ Улаанбаатар хотод бүртгэгдсэн бөгөөд 12 нь БЗД-ийн нэгдсэн эмнэлгийн голомтод хамааралтай, бусад голомтуудын ойрын хавьтлаар тусгаарлагдсан хүмүүсийн анхны, хоёр, гурав дахь давтан шинжилгээгээр илэрсэн байна.
Мөнххада компанитай холбоотой 17 тохиолдол болсон. Үүнээс 6 нь тус компанийн ажилтан бол 11 нь гэр бүлийн хүмүүс нь байгаа.
ХСҮТ-тэй холбоотой халдварын 16 тохиолдол бүртгэгдээд байна… гэж ХӨСҮТ-ийн Тандалт судалгааны албаны дарга А.Амбасэлмаа мэдээллээ.
5 хүн эдгэрч эмнэлгээс гарсан бол нэг иргэн нас баржээ. Нас барсан иргэн зүрхний хэм алдалт, зүрхний архаг дутагдалтай архаг хууч өвчтэй хүн коронавирусийн халдварт өртөөд ХӨСҮТ-д эмчлүүлж байсан аж. Тухайн өвчтөн 76 настай эрэгтэй хүн байсан байна.
