БОАЖ-н сайд Б.Бат-Эрдэнэ, Нийслэлийн засаг даргын орлогч З.Төмөртөмөө нар өвөлжилтийн бэлтгэл ажлын хүрээнд Таван Толгой Түлш ХХК-н Баруун бүсийн үйлдвэрт ажиллаж байна.
Нийслэлийн хэмжээнд 60 мянга орчим тонн түлш агуулахуудад нөөцлөөд байна. Мөн Баруун бүсийн үйлдвэрийн талбайд 7000 орчим тонн түлш бэлэн байна.
БОАЖ-н сайд Б.Бат-Эрдэнэ “Үйлдвэрийн ажилчдын эрүүл мэндийн асуудлыг 1-т тавих хэрэгтэй. Мөн үйлдвэрийн орчны асуудлыг сайжруулах үүднээс зүлэгжүүлэх, мод тарих ажлуудыг эхлүүлсэн байгааг сайшааж улам сайжруулах хэрэгтэйг санууллаа.
Энэ жил борлуулалтын цэгүүдийг эрт нээнэ. Өнгөрсөн жил өндөрлөг газарт 86 борлуулалтын цэг ажлуулсан. Энэ жил өндөрлөг газар дахь борлуулалтын цэгүүдийн тоог нэмж ажиллуулна гэж Нийслэлийн засаг даргын орлогч З.Төмөртөмөө мэдэгдлээ.
