Итали улсад COVID-19 халдвараар өчигдөр 3000 гаруй шинэ тохиолдол бүртгэгдэж, 475 хүн амиа алдсан байна. Энэ нь хорио цээрийн дэглэм тогтоосноос хойш бүртгэгдэж буй хамгийн өндөр үзүүлэлт юм.
Дэлхийн 173 оронд бүртгэгдсэн коронавирусын халдвар Европ тивд хурдацтай тархаж байгаа. Итали улсад сүүлийн гурван долоо хоног халдварын тоо тасралтгүй өсөж, нас барж буй хүмүүсийн тоо ч буурахгүй байгаа юм. Өнөөдрийн байдлаар Итали улсад 35 713 хүн вирусийн халдвараар өвдөж, 4000 гаруй бүрэн эдгээд байна.
