Барилгын хөгжлийн төв ТӨҮГ-ын захирал Т.Пүрэвхатан болон удирдлагууд, аймгуудын Газрын харилцаа, барилга, хот байгуулалтын газрын дарга нартай зөвлөлдөх уулзалт хийж, улсын төсвийн хөрөнгө оруулалтаар хэрэгжүүлсэн захиалагчийн хяналтын үйл ажиллагаа, 2025 оны төлөвлөгөө, тулгамдсан асуудал, хамтын ажиллагааны талаар мэдээлэл хүргэж зөвлөлдлөө.
Улсын хэмжээнд 21 аймаг, 9 дүүрэгт нийт 546 төсөл, арга хэмжээнд захиалагчийн техник хяналтыг хэрэгжүүлэн ажиллаж, 2024 онд 126 барилга байгууламжийг ашиглалтад оруулсан байна. Үүний 53 нь сургууль, цэцэрлэг, эмнэлгийн зориулалттай барилга байгууламж байна.
Барилгын материалын чанарыг сайжруулах, лабораторийн үйл ажиллагааг өргөжүүлэх, төрийн үйлчилгээг хариуцлагатай, шуурхай үзүүлэх, шинээр батлагдсан норм дүрмийг барилгын хяналтад нэвтрүүлэхэд анхаарах зэрэг асуудлаар санал солилцлоо.
