Дүүргийн удирдах ажилтнуудын шуурхай зөвлөгөөн боллоо. Зөвлөгөөнөөр нийслэл, дүүргээс дараах үүргүүдийг өглөө. Тухайлбал:
- 2026 оныг нийслэлээс бизнес эрхлэгчдийг дэмжих болгон зарласантай холбогдуулан төлөвлөгөө боловсруулах ажлаа эрчимжүүлэх
- Сурагчдын амралт дуусаж байгаатай холбогдуулан сургуулийн орчны аюулгүй байдлыг хангаж, зам тээврийн ослоос урьдчилан сэргийлэх
- Сүү хөтөлбөрийг хэрэгжүүлэх бэлтгэл ажлыг сайтар хангаж, танилцуулах
- Дулаан автобусны буудлуудыг тогтмол нээлттэй байлгахад анхаарч ажиллах
- Гэр хорооллын дундах зам, явган хүний замын цас цэвэрлэгээг эрчимжүүлэх
- Худалдан авах ажиллагааг эрчимжүүлэх
- Байгууллагууд ажил үүргээ хэрэгжүүлэхдээ авлига, ашиг сонирхлын зөрчлөөс урьдчилан сэргийлж, хөрөнгө орлогын мэдүүлгээ хугацаанд нь үнэн зөв, бүрэн мэдүүлж дуусгах
- Хийн түлш шилжилт болон түүний аюулгүй байдлыг хангаж ажиллах зэрэг үүргүүдийг өглөө.
