Улаанбаатар Смарт карт ХХК-иас нийтийн тээвэрт цахим картаар үйлчлүүлж буй иргэдээс 10 хүнийг 500 мянган төгрөгийн азтанаар тодруулахаар болсноо зарлалаа.
Мөн 2 сая төгрөгийн нэг супер азтанг тодруулах бөгөөд 1 сар үнэгүй зорчих цахим картын эрхийг 100 хэрэглэгчид олгох ажээ.
Ёндоотой карт, Ёндоотой зорчигч урамшуулалт хөтөлбөрийн хүрээнд U money картын арын 16 оронтой тооны 4 тоо таарсан тохиолдолд сарын хязгааргүй картын эзэн болох юм байна. 5 орон таарсан тохиолдолд 500.000 төгрөгийн шагнал, 6 орон таарсан тохиолдолд супер шагнал 2 сая төгрөгийн азтан болно.
Энэхүү урамшуулалт хөтөлбөрөө, нийтийн унаанд цахим карт ашиглаж буй зорчигчдыг урамшуулах зорилгоор бий болгосон юм байна.
